Zëdhënësi i partisë “Alternativa” Orhan Murtezani, ka deklaruar se kjo parti akoma nuk ka marrë vendim përfundimtarë, në lidhje me votimin e mocionit për votëbesim të Qeverisë.
Në një deklaratë për media, Murtezani tha se sot ka përfunduar takimi i kryesisë qendrore, por se do të vazhdojë edhe nesër, duke shtuar se kanë kohë deri të enjten, njofton Telegrafi Maqedoni.
“Ka përfunduar mbledhja e sotme, por e njëjta do të vazhdojë nesër. Akoma nuk kemi vendim përfundimtar pasi kemi kohë deri të enjten. Cili do të jetë vendimi i partisë, do të respektohet nga të gjithë deputetët”, tha Murtezani.
Ndryshe, deputeti i “Alternativës” Skender Rexhepi, sot deklaroi se edhe pse e ka nënshkruar iniciativën për rrëzimin e Qeverisë, ai tha se nuk do të votojë në Kuvend, për arsye të partisë “E Majta”./Telegrafi/
The post Murtezani: Vendimi i partisë do të respektohet nga të gjithë deputetët appeared first on Telegrafi.
