Ministria e Shëndetësisë informon se deri tani nëpërmjet web-faqes “vakcinacija.mk”, 55.970 kanë shfaqur interesim për t’u vaksinuar kundër coronavirusit.
Nga MSH thonë se përmes mjekut amë, për vaksinim janë paraqitur 29.209 persona, përcjell Telegrafi Maqedoni.
“Nga numri i përgjithshëm 38 mijë persona mbi moshën 70 vjeçare janë paraqitur për vaksinim. Dje, me vaksinimin e 202 punonjësve shëndetësor ka filluar imunizimi. Në pajtim me planin për vaksinim të punonjësve shëndetësor, të parët do të vaksinohen ata që kanë punuar ose punojnë në covid-qendrat në spitalin ‘8 Shtatori’, spitalin në Kozle dhe klinikat interne që kanë pranuar pacientë me covid”.
“Nga java e ardhshme, vaksinimi do të fillojë edhe tek punonjësit shëndetësor në spitalet e shtetit, si dhe spitalet private. Me këtë, vendi i jonë do të jetë ndër të rrallët në Evropë, që vaksinohen punonjësit shëndetësor që kanë punuar me pacientë pozitiv me coronavirus”, thonë nga MSH.
Në fund nga MSH theksojnë se deri në fund të shkurtit, pritet të arrijnë 200 mijë vaksinat nga Kina./Telegrafi/
The post MSH Maqedoni: 38 mijë persona mbi moshën 70-vjeçare kanë shfaqur interes për vaksinim appeared first on Telegrafi.
