Gjatë periudhës së kaluar në Ministrinë e Punëve të Brendshme, qytetarë kanë denoncuar shumë raste të veprës penale “mashtrimi”, që janë kryer ndaj personave të moshuar, thuhet në një njoftim nga MPB-ja.
Sipas policisë, kryerësit i mashtrojnë personat duke iu lajmëruar përmes telefonit dhe duke u prezantuar si persona zyrtar, shpeshherë zyrtarë të policisë dhe nga ata kërkojnë mjete financiare për t`u liruar nga ndjekja penale të fëmijëve të tyre ose nipërve spo mbesave, me pretendime se pak para kanë bërë aksident trafiku me pasoja vdekjeprurëse.
“Mashtruesit i kontaktojnë viktimat përmes telefonit fiks, por ka raste kur kontaktohen edhe përmes celularit me numër të fshehur, kurse që të jenë më bindës në prapavijë dëgjohet zëri që kërkon ndihmë”, thuhet në apelin e MPB-së.
MPB njofton qytetarët se po ndërmerren masa dhe aktivitete për zbardhjen e rasteve që tashmë janë denoncuar si vepra penale dhe njëkohësisht bën thirrje që qytetarët të mos bëhen pre e këtij lloji të mashtrimeve, kurse nëse kontaktohen, menjëherë ta njoftojnë policinë.
The post MPB me apel qytetarëve: Mos bini pre e mashtrimeve me aksidente të rrejshme appeared first on Telegrafi.