![](https://www.struga.info/wp-content/uploads/2020/04/north-macedonia-map.gif)
Ministria e Drejtësisë në RMV e ka përgatitur projektligjin për amnisti, i cili lejon lirimin dhe uljen e dënimeve me burg për krimet e lehta.
Pritet që të miratohet në seancën e ardhshme të Qeverisë. Projektligji iu dorëzua edhe koordinatorëve të grupeve parlamentare në Kuvend, të cilët duhet të japin komentet dhe sugjerimet e tyre, përcjell Telegrafi Maqedoni.
Nga ministria thonë se qëllimi është që të mundësohet lehtësimi i gjendjes në burgje, duke pasur parasysh faktin se gjendja atje në periudhën e kaluar është alarmante dhe kjo është theksuar në raporte të shumta ndërkombëtare, si dhe nga Komiteti kundër Torturës pranë Këshillit të Evropës.
Ligji propozon që personat që janë dënuar me burg deri në 6 muaj të përjashtohen plotësisht nga vuajtja e dënimit. Personat e dënuar të cilët janë dënuar me burg për më shumë se gjashtë muaj, lirohen nga vuajtja e 30 për qind e totalit të dënimit të shqiptuar me aktgjykim të formës së prerë.
Amnistia nuk vlen për personat e dënuar me burgim të përjetshëm, për krimin e vrasjes, për krime kundër zgjedhjeve dhe votimit, kundër lirisë gjinore dhe moralit gjinor, kundër shtetit, kundër njerëzimit dhe ligjit ndërkombëtar, për krimet e shpërdorimit të detyrës dhe autorizimi nga neni 353, punë nga pakujdesia në shërbim nga neni 353 i Kodit Penal, për krime kundër rendit publik nga nenet 394 deri në 394-d të Kodit Penal, si dhe për krime të kryera gjatë dhunës në familje.
Amnistia nuk vlen për krimet e grabitjes nga neni 237 paragrafi 5 dhe grabitjen nga neni 238 paragrafi 5 i Kodit Penal, për krimet e mashtrimit në dëm të fondeve të Bashkimit Evropian nga neni 249a, pastrimit të parave dhe produkteve të tjera nga vepra penale nga neni 273, shpërdorimi i pozitës dhe autoritetit zyrtar nga neni 353, puna nga pakujdesia në shërbim nga neni 353-c, marrja e ryshfetit nga neni 357, dhënia e ryshfetit nga neni 358, dhënia e shpërblimit për ndikim të kundërligjshëm nga neni 358 dhe marrja e shpërblimit për ndikim të paligjshëm nga neni 359 i Kodit Penal.
Amnistia nuk zbatohet për personat që kanë kryer veprat pas datës 1 shtator 2023.
Amnistia gjithashtu nuk vlen për personat të cilët në kohën e kryerjes së veprave janë zgjedhur dhe emëruar persona në Republikën e Maqedonisë së Veriut.
Amnistia nuk vlen për personat e dënuar ligjërisht për të cilët është lëshuar urdhër për shkak të mos disponueshmërisë së organeve të ndjekjes penale deri në datën e hyrjes në fuqi të këtij ligji.
Ministria e Drejtësisë ftoi të gjithë deputetët që të mbështesin këtë propozim-ligj./Telegrafi/
The post Ministria e Drejtësisë ka përgatitur ligjin për amnisti, parasheh ulje dhe falje të dënimit për veprat e lehta appeared first on Telegrafi.