Deputeti i OBRM-PDUKM-së, Antonio Milloshoski kritikoi qeverinë se qasja e tyre është provizore dhe me një dozë të vogël të thelbit.
Ai shtoi se nuk mund t’i besonin një qeverie që nuk donte të ndante me ta një non-paper që u dërgua në 2017 në Sofje.
“Sikur ne kemi besim si deputetë që u zgjodhën nga populli, deputetët zgjodhën qeverinë dhe qeveria nuk dëshiron të ndajë me ne një non-paper që është dërguar në Sofje në dhjetor. Si të ndërtojmë ato qëndrime në të cilat ju keni shkruar mendimin tuaj, një ekspert e ka plotësuar atë mendim dhe ju nuk na jepni as të drejtën dhe as besimin si deputetë të japim një sugjerim për atë non-paper që ne duam të jetë në përputhje me deklaratën të cilin e ka miratuar ky Kuvend.
Shteti na jep besim të plotë duke na dhënë çertifikata shtetërore që të kemi akses në çdo sekret shtetëror, sado i klasifikuar të jetë ai dokument dhe nëse shteti na ka dhënë besim, atëherë pse të mos na japë një politikan që drejton një amanet shtetëror. Ndoshta ju nuk më besoni mua, ndoshta Nikolla Dimitrov nuk ju beson, ndoshta qytetarët nuk i besojnë qeverisë, por pse jo ju nuk keni besim tek deputetët e LSDM-së dhe BDI-së, dhe ata janë deputetë dhe ju kanë votuar, të paktën ndajeni ata çfarë ka në atë non-paper”, thotë Milloshoski.
Milososki theksoi se vendimi për negociata ishte i kushtëzuar sepse siç tha sot nuk do të ketë diskutim për këtë temë, ndërsa shtoi se Bujar Osmani, Nikolla Dimitrov dhe Oliver Spasovski si ministër teknik i atëhershëm në një konferencë për media para opinionit thanë se vendimi është pa kushte.
“Ju personalisht në një konferencë për media para opinionit me Nikolla Dimitrov dhe Oliver Spasovski thatë se vendimi është i pakushtëzuar dhe ne shohim që tani janë 5 + 1, 3 + 1, 2 + 1 kemi kushte që shkojnë deri aty si Kushtetuta e Republikës së Maqedonisë e cila është themeli i sovranitetit politik të një shteti”, sqaroi Milloshoski./Telegrafi/
The post Milloshoski: Vendimi për negociata është me kushte që cenojnë Kushtetutën appeared first on Telegrafi.
