OBRM-PDUKM ngrin marrëdhëniet me Presidentin, Stevo Pendarovski dhe do të rishikojë politikat drejt kabinetit të Presidentit, tha drejtuesi i OBRM-PDUKM-së, Hristijan Mickoski.
Mickoski i cili para pak çastesh ishte në takim me Pendarovskin së bashku me disa deputetë për të kërkuar prova pse iu dha mandati liderit të LSDM-së, Zoran Zaev pa siguruar shumicën parlamentare.
Pendarovski ka theksuar se Zaev i kishte siguruar se do të sigurojë shumicën parlamentare, por sipas Mickoski, kjo nuk është provë e mjaftueshme për dhënien e mandatit.
“Si argumente, Presidenti tha që Kuvendi është i konstituuar, duke përmendur shembujt nga vitet 2006 dhe 2016 dhe se është siguruar që Zaev do të sigurojë një shumicë”, tha Mickoski, i cili në mbledhje nuk i tha Pendarovskit direkt se ai po ngrin marrëdhëniet me kabinetin e tij.
Sipas tij, Zaev ka robëruar negociatat për formimin e Qeverisë dhe me caktimin e mandatit, sipas tij, është duke u blerë kohë për një marrëveshje për sigurimin e shumicës parlamentare./Telegrafi/
The post Mickoski: OBRM-PDUKM ngrin marrëdhëniet me Presidentin appeared first on Telegrafi.