Ballkani Perëndimor, Afrika, lufta kundër dezinformatave, migracioni, Rusia dhe Kina, janë prioritetet kryesore për Gjermaninë në pjesën e politikës së jashtme për gjashtë muajt e ardhshëm.
Kancelarja gjermane Angela Merkel i ka prezantuar prioritetet e kryesimit të saj me BE-në në gjashtë muajt e ardhshëm, duke i përmendur negociatat me Maqedoninë dhe Shqipërinë në lidhje me zgjerimin e BE-së, përcjell Telegrafi Maqedoni.
“Konferencat aderuese me Maqedoninë e Veriut dhe Shqipërinë duhet të mbahen këtë vit dhe të hapen kapitujt e parë”, tha Merkel para eurodeputetëve.
Për kancelaren gjermane, hapja e negociatave me Shkupin dhe Tiranën paraqesin sinjal të rëndësishëm për angazhimin e BE-së drejt integrimit të Ballkanit Perëndimor.
Komisioni Evropian javën e kaluar e dorëzoi draft-kornizën për negociatat e BE-së me Maqedoninë e Veriut dhe Shqipërinë në Këshill./Telegrafi/
The post Merkel: Hapja e kapitujve të parë me Shkupin dhe Tiranën gjatë këtij viti appeared first on Telegrafi.
