Nga Ministria e Arsimit dhe Shkencës bëjnë të ditur se të gjitha tekstet shkollore që janë miratuar deri më tani janë shtypur për përdorim nga Komisioni Kombëtar i Teksteve Shkollore dhe është intensifikuar dorëzimi në shkolla.
Sipas planit të aksionit, thonë nga MASH, dorëzimi në rajonin juglindor ka përfunduar dhe tekstet shkollore janë duke u shpërndarë në shkollat e kryeqytetit dhe në komunat veriore dhe perëndimore të vendit.
“Procesi i dorëzimit të të gjitha teksteve shkollore që janë miratuar, përfshirë dhe më të rejat për klasën e tretë që do të shpërndahen nesër, do të përfundojë plotësisht më 1 shtator. Ato që janë në proces, përkatësisht tekstet shkollore për klasën e gjashtë do të dorëzohen gjatë muajit shtator, pra menjëherë pasi të kenë kaluar të gjitha fazat e procesit të miratimit Nderkohe,do të jenë në dispozicion materiale ndihmëse për nxënësit dhe doracak për mësimdhënësit që do të publikohen në format elektronik në faqen e Byrosë së Zhvillimit të Arsimit, në pronësinë e të cilëve janë të njëjta”, thuhet në njoftimin e MASH-it.
Nga kjo ministri sqarojnë se operatorët përgjegjës për dorëzimin e teksteve shkollore janë maksimalisht efikase.
“Në koordinim me shërbimet e shkollës kanë punuar edhe gjatë fundjavës, ndërsa do të punojnë edhe këtë fundjavë që vjen. Interesi i nxënësve është fokusi i përbashkët i të gjithëve neve”, thuhet në fund të njoftimit./Telegrafi/
The post MASH Maqedoni: Nxënësit do t`i kenë tekstet shkollore më 1 shtator, shpërndarja po intensifikohet appeared first on Telegrafi.
