Zëvendëskryeministri i Qeverisë për çështje evropiane, Bojan Mariçiq, në një prononcim televiziv, duke folur për fillimin e procesit të skriningut në Bruksel, tha se për Maqedoninë, zyrtarisht po fillon një epokë ndryshe dhe se të gjithë gënjeshtrat e opozitës dhe të tjerëve bien në ujë, sepse përkthimi është bërë në gjuhën maqedonase.
I pyetur nëse është i mundur ndryshimi i Kushtetutës dhe sigurimi i shumicës prej dy të tretash në kushtet kur opozita deklaron se nuk do të mbështesë, zëvendëskryeministri tha se periudha e shqyrtimit prej 14 deri në 16 muaj ofron hapësirë të mjaftueshme për hapjen e një procesi i dialogut në Kuvend dhe përcaktimi i rolit të Kuvendit në negociata.
“Mendoj se të gjithë do të mund të përfshihen në procesin e skriningut, për të parë se si shkon. Do të nxjerrim ato dokumente kyçe, udhërrëfyes për shtetin e së drejtës, për reformat në administratën publike, për institucionet demokratike, planin e veprimit për minoritetet për të siguruar publikun dhe deputetët se nuk ka asgjë të diskutueshme dhe nuk do të ketë asgjë të tmerrshme. Dhe në këtë mënyrë me një dialog mund të arrijmë një shumicë prej 2/3 për ndryshimin e Kushtetutës”, theksoi Mariçiq.
Sipas zëvendëskryeministrit Mariçiq, është e qartë se nëse nuk e bëjmë këtë, nuk do të mund të shkojmë në fazën tjetër, sepse tani pas hapjes së negociatave, pyetja është se kush është për dhe kush është kundër BE, pra kush është për vazhdim e kush për ndalimin e tyre.
The post Mariçiq: Me dialog, mund të arrijmë shumicë parlamentare për ndryshimet kushtetuese appeared first on Telegrafi.
