Ministri i Punëve të Brendshme, Naqe Çulev thotë se MPB në vazhdimësi po ndërmerr masa kontrolluese për të parë se sa respektohen vendimet qeveritare lidhur me menaxhimin me pandeminë e COVID-19.
“Nga policët deri tani janë konstatuar 6.404 shkelje të mosmbajtjes së maskës prej të cilëve 641 janë vetëm të ditës së fundit”, shkruan ministri Çulev në ‘Facebook’, njofton Telegrafi Maqedoni.
Ai shton se në koordinim me Inspektoratin Shtetëror janë kontrolluar edhe 776 objekte dhe janë evidentuar 7 objekte që nuk kanë respektuar vendimet qeveritare.
Gjatë ditës së djeshme poashtu 435 personave u është dhënë vendim për izolim, kurse 75 të tjerë kanë nënshkruar deklaratë për vetizolim. Policët poashtu kanë kontrolluar edhe personat që ndodhen në izolim dhe vetizolim dhe janë evidentuar dy persona që nuk kanë respektuar këto masa. Në karantinë shtetërore momentalisht ndodhen 123 persona./Telegrafi/
The post Maqedoni, mbi 640 persona nuk respektojnë masën e mbajtjes së maskës appeared first on Telegrafi.