Kriza i goditi edhe komunat dhe për atë arsye ato kanë pagesë të ulur të të ardhurave, edhe pse në pajtim me të dhënat e fundit për borxhet e komunave përfundimisht me 31 marsin nuk mund të vërehet ndonjë përkeqësim sepse ajo është para fillimit të krizës, deklaroi sot në konferencë për shtyp ministrja e Financave, Nina Angellovska.
“Komunat janë njëjtë të goditura nga kriza dhe patën kërkesa të caktuara për ndihmë nga buxheti, por kur jemi në situatë të vështirë dhe e dini se opsioni për ndarje të mjeteve shtesë është vënë në pikëpyetje, kur të gjithë duhet të menaxhojnë në pajtim me buxhetet e veta dhe t’i ulin shpenzimet e veta. Në atë kontekst u soll edhe vendimi i qeverisë për ulje të shpenzimeve rrjedhëse të të gjitha ndërmarrjeve publike për 15 për qind. Të dhënat e fundit për borxhet e komunave janë përfundimisht me 31 mars dhe nuk mund të vërehet ndonjë përkeqësim sepse ajo është para fillimit të krizës, përkundrazi vërehet përmirësim, por para së gjithash ato tani kanë vështirësi në realizimin e buxheteve të veta dhe të njëjtat besoj do të qasen drejt ribalancit të mjeteve të veta”, tha Angellovska.
Në përgjigje të pyetjes së gazetarëve për atë se sa do të ulen të ardhurat e komunave në tremujorin e dytë dhe cilat komuna do të jenë më të goditura, tha se analizë të këtillë Sektori pranë Ministrisë ende nuk ka përpunuar sepse të gjitha komunat nuk i kanë parashtruar realizimet për tremujoriun e parë.
The post Maqedoni, ende nuk është bërë analizë sa do të ulen të ardhurat e komunave në tremujorin e dytë appeared first on Telegrafi.
