Pas 18 viteve, presidenti Stevo Pendarovski, me rastin e shënimit të Ilindenit – Ditës së Republikës, të martën më 2 gusht do ta udhëheqë delegacionin shtetëror – kishtar në vizitë në manastirin “Sh. Prohor Pçinski”, ku është mbajtur mbledhja e parë e Kuvendit Antifashist për Çlirim Kombëtar të Maqedonisë (KAÇKM), më 2 gusht të vitit 1944.
Siç njoftuan nga kabineti i tij, me këtë rast, presidenti Pendarovski realizoi bisedë telefonike me presidentin e Serbisë, Aleksandër Vuçiq dhe me kreun e Kishës Ortodokse Serbe, patriarkun Porfirij.
Dy presidentët gjatë bisedës u pajtuan se relacionet mes dy shteteve shënojnë zhvillim të shkëlqyeshëm në më shumë fusha. Vizita e manastirit “Sh. Prohor Pçinski”, e cila ndodhë pas pothuajse dy dekadave është impuls pozitiv për hapjen e kapitujve të ri në relacionet e ndërsjellta.
Në bisedën me patriarkun Profirij, Pendarovski e falënderoi atë për vendimin që të mundësohet vizita e manastirit e cila vjen pas pranimin të autoqefalisë së KOM-AO nga ana e KOS.
Në përbërjen e delegacionit që do ta udhëheqë presidenti Pendarovski, do të jenë anëtarët e Kuvendit dhe të Qeverisë së Maqedonisë së Veriut dhe përfaqësuesit e KOM – AO.
The post Maqedoni: Dita e Ilindenit do të shënohet në manastirin “Shën Prohor Pçinski” appeared first on Telegrafi.
