“Me Pançe Toshkovskin në krye të MPB-së, ndodh kaosi nëpër rrugët e vendit kurse siguria e qytetarëve është e cënuar”, thonë nga LSDM-ja.
Ata kanë përmendur skandalin në “Debar Maalo” dhe sjelljen agresive të truprojave të funksionarëve të pushtetit.
LSDM-ja thotë e për këto skandale duhet të ketë përgjegjësi, kurse më i thirrur për këtë është Ministri i Punëve të Brendshme, Pançe Toshkovski.
“Fakt është se në 9 muajt e fundit, si në shirit filmi renditen skandal pas skandali me truproja të funksionarëve më të lartë shtetëror. Nga sigurimi i Kryeministrit Mickoski, tjetri ka zbuluar sekrete shtetërore, një tjetër ka sulmuar policin duke penguar aksionin anti-drogë. Sigurimi i Gashit shkaktoi incident në Aeroportin e Shkupit, nxori armën dhe sulmoi policin. Tani sigurimi i Presidentes është i implikuar në skandalin në Debar Maalo. Këto nuk janë incidente të izoluara – është shkatërim sistematik i aparatit të sigurisë! Policë që duhet të na ruajnë – punojnë për interesat e kriminelëve, të fuqishmëve dhe oligarkëve. Në krye të të gjithë këtyre është Pançe Toshkovski – si ministër që lejoi këtë shkatërim në MPB. Të gjitha këto incidente hapin pyejtje serioze për mosfunksionimin e plotë të aparatit të sigurisë, për lidhjen e mundshme të njerëzve të pushtetit me struktura kriminale”, tha Bogdanka Kuzeska nga LSDM.
The post LSDM: Me Toshkovskin në krye të MPB-së, cënohet siguria e qytetarëve appeared first on Telegrafi.
