Nëpërmjet një njoftimi të LSDM-së thuhet se “Mickoski dhe OBRM-PDUKM dëshirojnë të përfitojnë nga tragjedia”.
Sipas tyre, politizimi i tragjedisë nga ana e Mickoskit, dëshmoi mosdijen e tij të Kushtetutës dhe ligjeve.
“Kushtetuta është e qarttë, anëtari i Qeverisë mund të jep dorëheqje, por para kryeministrit. Kryeministri mund të propozojë shkarkim të një anëtari të Qeverisë, ndërsa propozimin për shkarkim e cakton Kuvendi në seancën e ardhshme”, thonë nga LSDM.
Ata shtojnë se një sjellje e tillë e OBRM-PDUKM-së dhe Mickoskit dëshmon dëshpërimin në të cilën ndodhen.
“Përfundoi koha kur hetimet dhe procesverbalet e procedurave diktoheshin me telefon, shpikeshin dëshmitarë dhe keqpërdoreshin institucionet. Qeveria e LSDM-së veprim sipas Kushtetutës, sipas ligjeve. Hetimin e udhëheqin organet hetimore dhe një hetim i tillë i pavarur do t’i japë të gjitha përgjigjet”, thonë nga LSDM.
OBRM-PDUKM nuk ka të drejtë, thonë nga LSDM, që të thirret në moral, ndërsa kjo parti bllokoi ndërtimin e Qendrës së re Klinike./Telegrafi/
The post LSDM: Me politizimin e tragjedisë, Mickoski tregoi mosnjohjen elementare të Kushtetutës dhe ligjeve appeared first on Telegrafi.
