LSDM shpreh keqardhje të thellë dhe ngushëllime familjes së të ndjerës tragjikisht Frosinës.
Nga atje thonë se kjo ngjarje tronditëse dëshmon edhe një herë seriozitetin e problemit të sigurisë në rrugë dhe nevojën për veprime urgjente dhe vendimtare nga institucionet.
“LSDM kërkon dënimin maksimal për autorin në procedurë të shpejtë dhe transparente. Ne mbështesim revoltën e qytetarëve dhe kërkesat e tyre për drejtësi dhe siguri më të madhe. Në shenjë solidariteti protestës do t’i bashkohet edhe Rinia Socialdemokrate e Maqedonisë (RLSDM).
Protestat janë një e drejtë legjitime e njerëzve për të shprehur pakënaqësinë dhe për të kërkuar llogari nga ata që nuk kanë përmbushur detyrën e tyre.
Qeveria dhe Ministria e Brendshme duhet të marrin urgjentisht masa konkrete për të përmirësuar sigurinë në rrugë. Nuk duhet të lejojmë tragjedi të reja nga neglizhenca institucionale”, thonë nga LSDM./Telegrafi/
The post LSDM: Kërkojmë dënim maksimal për autorin që vrau Frosinën, kërkojmë drejtësi dhe siguri më të madhe në rrugë appeared first on Telegrafi.