Partia maqedonase në pushtet LSDM, ka reaguar ndaj paralajmërimeve të OBRM-PDUKM-së se do të dorëzojnë rezolutë për negociatat me Bullgarinë.
Nga LSDM nëpërmjet një kumtese thonë se nuk ka nevojë për asnjë rezolutë, ndërsa aktin e Mickoskin e vlerësojnë si populist.
“Gjuha dhe identiteti maqedonas janë të vërtetuar dhe të pranuar nga mbarë Evropa dhe nga mbarë bota. Andaj nuk janë të nevojshme asnjëfarë rezolutash, konkluzash. Dukshëm vetëm Hristijan Mickoski nuk e ka të qartë cilat janë linjat për identitetin maqedonas andaj del me kërkesa populiste”, thonë nga LSDM.
Paraprakisht edhe në Komisionin për politikë të jashtme, Antonio Milloshoski i cili udhëheq me këtë organ kuvendor, kërkoi që të miratohen përfundime për negociatat mes Maqedonisë dhe Bullgarisë, por deputetët e shumicë parlamentare u larguan nga seanca.
The post LSDM: Identiteti maqedonas është i garantuar, nuk ka nevojë për rezolutë appeared first on Telegrafi.
