![](https://www.struga.info/wp-content/uploads/2020/04/north-macedonia-map.gif)
Deputeti i OBRM-PDUKM-së Mile Lefkov, sot në konferencë për shtyp tha se Ministria e Ekonomisë në Qeverinë e kaluar është shfrytëzuar që nipi i Ali Ahmeti të bëjë miliona.
Ai tha se kompania e Drin Ahmetit “Everest JD” ka paguar 1.617.894 denarë më pak për tarifën e koncesionit se sa është dashur të ketë në periudhën 2016-2023 si koncesionar i gurores. Ai tha se “kjo nuk do të ishte e mundur pa disa persona tashmë të akuzuar të punësuar në Ministrinë e Ekonomisë nën drejtimin e Kreshnik Bekteshit”.
“Është me rëndësi të theksohet se kjo kompani e Ahmetit e ka marrë licencën për shfrytëzimin e pasurive minerale në vitin 2005, edhe në kohën e qeverisjes së LSDM-së dhe BDI-së. Për 11 vjet pas kësaj, në kohën e LSDM-së dhe BDI-së, kur Ministria e Ekonomisë drejtohej nga kuadro të BDI-së, mund të shfrytëzonte pasuritë minerale, pa specifikuar saktësisht sasitë që ishin nxjerrë, dhe kështu të paguante më pak tatim”.
“Është e qartë se të voglit e Ahmetit kanë shkuar thellë, ndaj për të punuar pa probleme, për të gërmuar sa të dojë dhe për të paguar sa të duan, e jo aq sa duhet, F.Ç (54) nga Dibra, E.L nga Tearca, J.K nga Tetova, A.M nga Shkupi, K.Sh nga Shkupi, F.A nga Kumanova, dhe F.R nga Shkupi.
Për shkak të dyshimit të bazuar se kanë kryer veprën penale të “punë e papërgjegjshme në detyrë zyrtare”, ndiqen penalisht nga neni 353-c i Kodit Penal. Nëse sa më sipër do të ishte vepruar në përputhje me ligjin, koncesioni për shfrytëzimin e Drin Ahmetit duhet të ishte hequr dhe ai duhet të ishte sjellë para gjykatës me raport të vetë ministrisë. Por si mundet ministria e Kreshnik Bekteshit ta ndjekë penalisht nipin e Ahmetit, i cili e ka emëruar atje?”, tha Lefkov.
Nën llupën e organeve hetuese jo zyrtarisht mësohet se janë edhe kompanitë e tjera të Drin Ahmetit./Telegrafi/
The post Lefkov: Ministria e Ekonomisë është përdorur që Drin Ahmeti të bëjë miliona appeared first on Telegrafi.