Lëvizja Demokratike ka themeluar Forumin e Gruas dhe në krye të këtij forumi është zgjedhur deputetja Saranda Imeri.
Për Lëvizjen Demokratike, sipas kreut të kësaj partie, Izet Mexhiti, gruaja është shtylla kryesore e ndërtimit të një politike gjithëpërfshirëse dhe përparimtare.
Themelimi i Forumit të Gruas siç tha Mexhiti synon të krijojë një platformë për të ngritur zërin dhe për të avancuar kontributin e grave në proceset vendimmarrëse, duke frymëzuar gjeneratat e reja drejt lidershipit.
“Përfaqësimi i grave në këtë parti reflekton angazhimin e saj për barazi dhe fuqizim: të tria deputetet e Lëvizjes Demokratike në Kuvend janë gra, një shembull unik në politikën vendore. Po ashtu, gra udhëheqin edhe pozita kyçe shtetërore si zëvendësministrja dhe zëdhënësja e qeverisë”, deklaroi kryetari i Lëvizjes Demokratike, Izet Mexhiti.
The post LD themeloi Forumin e Gruas, me të do të udhëheqë deputetja Saranda Imeri appeared first on Telegrafi.
