Kuvendi i Republikës së Maqedonisë së Veriut ka caktuar seancë të re për ditën e enjte.
Siç shihet nga informacionet në uebsajtin e Kuvendit, në seancën e 80-të të Kuvendit është paraparë që të mbaj fjalim edhe kryetarja e Komisionit Evropian, Ursula von der Leyen.
Paraprakisht, burime nga Kuvendi konfirmuan për Agjencionin Infomativ të Maqedonisë se deputetët sot përmes SMS-së janë njoftuar se seanca e së cilës do të jetë Informimi për përmbajtjen e kornizës propozim-negociatave do të mbahet të enjten në ora 13.00.
Zyra e Kryetarit të Kuvendit ende nuk ka dhënë informacione zyrtare për seancën.
“Qeveria, sipas kërkesave të koordinimit të djeshëm në Kuvend, pasditen e sotme në Kuvend dorëzoi një shtesë në Informatat për përmbajtjen e kornizës negociatore për negociatat për anëtarësim të Republikës së Maqedonisë së Veriut me Bashkimin Evropian, përpiluar nga Presidenca e Francës më 30 qershor 2022”, thanë nga zyra e shtypit pranë kuvendit.
Dokumentet, siç theksuan nga Kuvendi, u janë dorëzuar të gjithë deputetëve.
The post Kuvendi i Maqedonisë të enjten mban seancë informative për propozimin francez, Ursula von der Leyen do të mbaj fjalim appeared first on Telegrafi.