Pasi që sot edhe zyrtarisht u vërtetua se në Maqedoni ka 6 raste me llojin indian të coronavirusit, mjeku Goran Kungullovski thotë se vaksinimi është mjeti më i fuqishëm në luftën kundër coronavirusit.
“Shumë studime tregojnë se ky lloj i SARS-CoV-2 bartet më shpejt nga lloji alfa (të paktën 50%), ndërsa lloji alfa bartej të paktën 50% më shpejt se sa nga lloji D614G i cili bartej për 20-30 më shpejt se lloji i Wuhanit. Ka shumë mundësi që lloji delta të jetë më dominues në botë, Evropë, por edhe në Maqedoni gjatë muajve të ardhshëm. Muaj të vështirë vijnë posaçërisht për ata që nuk janë vaksinuar dhe nuk janë infektuar nga coronavirusi”, shkruan Kungullovski.
Ai prezantoi edhe disa të dhëna me qëllim që muajt e ardhshëm, siç thotë Kungullovski, të jenë më të lehta:
“Vaksinat ende po vazhdojnë ta fitojnë luftën me llojet e reja. Pjesës më të madhe ju zvogëlohet efikasiteti, por janë të mjaftueshme që të neutralizohet pandemia. Vaksinimi është mjeti më i fuqishëm në këtë luftë”.
“Virusi evoluon me çka ndahet nga gjeneza. Që të ndalet evoluimi dhe të shndërrohet në forma të reja, duhet të ndalohet shpërndarja, ndërsa për të parandaluar shpërndarjen duhet të ndalohet bartja nga njeriu në njeri. Për të ndodhur kjo, duhet të ngushtohet zinxhiri i bartjes. Kjo bëhet me vaksinim dhe respektim të masave kufizuese”.
“Pas vaksinimit të një pjesë të madhe të popullatës, do të duhet të përgatitet strategjik për vaksinim me ‘booster’ dozë, por kjo është dytësore”, shkruan Kungullovski.
Ai shton se për t’u vaksinuar njerëzit, institucionet kompetente duhet të blejnë vaksina shumë efektive dhe të përgatisin strategji për vaksinim me doza ‘booster’./Telegrafi/
The post Kungullovski: Muaj të vështirë vijnë, posaçërisht ata që nuk janë vaksinuar dhe s’janë infektuar me coronavirusin appeared first on Telegrafi.
