Kryeministri Dimitar Kovaçevski sot kishte takim me ambasadoren e Ukrainës, Natalija Zadorozhnjuk.
Sipas njoftimit të kabientit të kryeministri, ambasadorja në takim në emër të qeverisë së Ukrainës falënderoi për qëndrimin e qartë dhe mbështetjen e Qeverisë së Maqedonisë së Veriut ndaj vendit të saj dhe vlerësoi posaçërisht vendosjen e sanksioneve ndaj Rusisë.
“Kryeministri Kovaçevski gjatë takimit theksoi se Maqedonia e Veriut dënon agresionin ushtarak rus ndaj Ukrainës dhe theksoi se veprimi i Federatës së Rusisë është sulm i drejtpërdrejt ndaj integritetit territorial dhe sovranitetit të Ukrainës dhe shkelje e drejtës ndërkombëtare”, thuhet në njoftim.
Po ashtu theksohet se Kovaçeski ka potencuar se Maqedonia e Veriut mbështet integritetin territorial dhe sovranitetin e Ukrainës sipas kufijve të pranuar./Telegrafi/
The post Kovaçevski në takim me ambasadoren e Ukrainës: Agresioni rus ndaj Ukrainës është rrezik për paqen në Evropë dhe botë appeared first on Telegrafi.
