Deputeti nga radhët e LSDM-së, Martin Kostovski në konferencë për shtyp theksi se rasti “Feniks” dëshmoi edhe një herë se OBRM-PDUKM është partia më kriminale.
“Ish-kryeministri dhe tani kryetar nderi i OBRM-PDUKM-së, Nikolla Gruevski, dora e djathtë e tij, Zoran Stavrevski, ish-ministrja Elizabeta Kançevska Milevska, dy kryetarët nga kjo parti akuzohen se kanë dëmtuar buxhetin për 16 milionë euro përmes përmendoreve të proejektit Shkupi 2-14”, thotë Kostovski.
Ai shtoi se kjo është edhe një dëshmi se Shkupi 2014 ka qenë projekt që kishte për qëllim pasurimin e disa personave të afërt të Gruevskit.
“Ky grup ka bërë larje parash me kurriz të qytetarëve, por edhe në kurriz të Goce Dellçevit, Lekës së madh, Mbretit Samoil, përmes gemixhive”, tha Kostovski i cili kërkoi dorëheqjen e Mickoskit për shkak se është në krye të partisë funskuonarët e së cilës vazhdimisht akuzohen për krim./Telegrafi/
The post Kostovski: Mickoski duhet të japë dorëheqje për krimin që partia e tij e ka kryer në “Shkupi 2014” appeared first on Telegrafi.
