Sot në Kabinetin e presidentes është mbajtur seanca konstituive e përbërjes së re të Komisionit për Falje, pasi kryetarja Gordana Siljanovska Davkova mori vendim për përbërjen dhe emërimin e kryetarit dhe anëtarëve të komisionit.
Kryetare e Komisionit të Faljes është emëruar Milka Ristova, ndërsa për anëtarë janë emëruar Oliver Bacanovic, Aleksandra Gruevska Drakulevski, Blerta Ahmedi, Dragana Batic, Afet Mamuti dhe Doan Suleimanoski.
Në seancën e parë të përbërjes së re të Komisionit për Falje mori pjesë presidentja Siljanovska Davkova, e cila anëtarëve të komisionit u uroi punë të suksesshme, duke shprehur besimin se komisioni me punën e tij, duke respektuar parimet e transparencës dhe llogaridhënies, drejtësisë dhe barazisë, humanizmit dhe mirëkuptimit do të kontribuojnë në forcimin e besimit institucional dhe vendimet do të jenë shembull i respektimit të vlerave demokratike.
Kryetarja Siljanovska Davkova, duke theksuar përkushtimin e saj për sundimin e ligjit dhe respektimin e të drejtave të njeriut, theksoi rëndësinë e Komisionit të Faljes dhe nevojën që e gjithë procedura të mos jetë objekt i grindjeve ditore politike.
Ajo shprehu pritshmërinë që të gjitha vendimet e komisionit të jenë në përputhje me interesin publik dhe vlerat shoqërore, dhe secili rast të shqyrtohet me profesionalizmin maksimal./Telegrafi/
The post Konstituohet përbërja e re e Komisionit për Falje, Siljanovska: Pres të jenë profesional në punën e tyre appeared first on Telegrafi.