Komiteti i Helsinkit për të drejtat e njeriut në dhjetor të vitit 2020, ngjashëm si gjatë tërë vitit 2020, ka shënuar numër të lartë të rasteve të gjuhës së urrejtjes në mediat sociale. Komiteti verifikoi gjithsej 110 aplikime për dhjetorin e vitit 2020, një rritje prej 130 përqindëshit krahasuar me muajt e njëjtë të vitit 2019.
“Gjuha e urrejtjes bazuar në përkatësinë etnike ishte përsëri në krye të listës, duke përbërë 48 për qind të të gjitha rasteve të regjistruara për muajin aktual. Në të njëjtën kohë, aplikimet e bazuara në orientimin politik dhe orientimin seksual dhe identitetin gjinor shënuan sërish ngritje në dhjetor, me nga 30 për qind të numrit të përgjithshëm të raporteve”, qëndron në raport.
Numri më i madh i rasteve në tetor, siç theksohet, raportuan përsëri akuzat e gjuhës së urrejtjes bazuar në përkatësinë etnike, e cila ka qenë në rritje që nga fillimi i pandemisë globale.
“Rritja më e madhe në raporte të tilla u vu re në periudhën kur Qeveria e Maqedonisë së Veriut siguroi fonde për të mbështetur punën e Komunës së Haraçinës, vendim që u prit me kritika të ashpra dhe diskutim publik sepse iu dha një shenjë etno-politike”, thonë nga Komiteti i Helsinkit.
The post Komiteti i Helsinkit: Rritje e paraqitjeve për gjuhën e urrejtjes për 130 përqind në Maqedoni appeared first on Telegrafi.
