Komisionet kombëtare të UNESCO-s të Republikës së Maqedonisë së Veriut dhe Republikës së Shqipërisë sot në Ohër do ta mbajnë takimin e parë të përbashkët të punës.
Takimin e punës siç është paralajmëruar, do ta koordinojnë ministret e Kulturës së dy vendeve, Irena Stefoska dhe Elva Margariti që njëherësh janë edhe kryetare të Komisioneve kombëtare pranë UNESCO-s.
Takimi siç informojnë nga Ministria e Kulturës i kushtohet koordinimit të ardhshëm në drejtim të menaxhimit të përbashkët me Rajonin e Ohrit konform kaheve të raportit të fundit të Misionit reaktiv të UNESCO-s, ndërsa në takim do të marrin pjesë edhe ministri i Mjedisit Jetësor dhe Planifikimit Hapësinor të Maqedonisë së Veriut, Naser Nuredini si dhe kolegu i tij shqiptar, ministri për Turizëm dhe Mjedis Jetësor, Blendi Klosi.
Në takim do të diskutohet për Draft- vendimin e Komitetit për trashëgimi botërore të UNESCO-s mbi “Trashëgiminë natyrore dhe kulturore të Rajonit të Ohrit”, ndërsa do të definohen edhe prioritetet dhe hapat e ardhshëm të veprimit të përbashkët si dhe nënshkrimi i deklaratës së përbashkët në drejtim të ruajtjes së statusit të trashëgimisë botërore të Rajonit të Ohrit.
Ministret e Kulturës, Stefoska dhe Margariti në takimin do të firmosin edhe Programin për bashkëpunim në sferën e kulturës mes Ministrisë së Republikës së Maqedonisë së Veriut dhe Republikës së Shqipërisë për periudhën prej vitit 2021 deri 2026.
The post Komisionet kombëtare për UNESCO të Maqedonisë dhe Shqipërisë sot takohen në Ohër appeared first on Telegrafi.
