Siç njoftojnë nga Ministria e Punëve të Brendshme, një vrasje ka ndodhur dje në fshatin Vraneshnicë të Kërçovës.
Sipas njoftimit të policisë, 25 vjeçari me thikë ka lënduar të atin e tij 48 vjeçar, i cili më vonë ka humbur jetën nga plagët e shkaktuar.
“Më 16.06.2021 në fshatin Vraneshnica të Kërçovës, zyrtarët policorë të SP Kërçovë kanë privuar nga liria A.K (25), për shkak të dyshimeve se rreth orës 20:30, në shtëpinë e tij me thikë i ka shkaktuar lëndime të atit të tij J.K (48), i cili më vonë ka humbur jetën. Pas ndërmarrjes së masave është vërtetuar se rasti ka ndodhur pas një përballje gojore dhe fizike ku viktima me pushkë ka kërcënuar birin e tij”, thuhet në raportin e policisë.
Për rastin është njoftuar edhe Prokurori Publik, ndërsa me urdhër të tij trupi është çuar për autopsi.
Gjatë këqyrjes së vendit të ngjarjes është gjetur edhe pushka dhe municione të tjera./Telegrafi/
The post Kërçovë, i biri ther me thikë të atin appeared first on Telegrafi.
