Një i punësuar në Klinikën e Kardiokirurgjisë sot fillimisht verbalisht ka sulmuar një infermiere dhe më pas ka sulmuar fizikisht drejtorin e Klinikës, Marjan Shokarovski, pas çka vetë është dorëzuar në stacion të policisë.
Rasti është konfirmuar edhe nga Minsitria e Shëndetësisë dhe MPB.
“Më 18.09.2023, rreth orës 10:00, në SPB-Shkup nga Klinika e Kardiokirurgjisë është raportuar se S.J. (punonjës në klinikë) ka sulmuar verbalisht një infermiere, e më pas ka sulmuar fizikisht M.Sh. (drejtor i klinikës), pas së cilës është larguar nga klinika dhe është paraqitur vetë në Stacionin Policor në Qendër”, thonë nga MPB.
Nga Ministria e Shëndetësisë thonë se për rastin është njoftuar e ministri, Fatmir Mexhiti.
“Ministria e Shëndetësisë njofton opinionin se sot në Klinikën e Kardiokirurgjisë ka ndodhur një incident, për të cilin është njoftuar edhe policia. Ministri i Shëndetësisë, Dr. Fatmir Mexhiti, është në dijeni të ngjarjes dhe ka kërkuar nga punëtorët shëndetësorë që të sillen me ndërgjegje dhe profesionalizëm dhe t’i përkushtohen pacientëve”, thonë nga Ministria e Shëndetësisë.
The post Incident në Klinikën e Kardiokirurgjisë në Shkup appeared first on Telegrafi.