Sot, ministri i Bujqësisë, Pylltarisë dhe Ekonomisë së Ujërave, Arjanit Hoxha, realizoi takim me prodhuesit e orizit në hapësirat e MBPEU-së.
Siç thuhet në njoftimin e ministrisë, në takim është rënë dakord që grumbulluesit të respektojnë çmimin e blerjes prej 20 den/kg për varietetin San Andrea dhe 17 den/kg për varietetet e tjera.
“Pothuajse të gjithë grumbulluesit kanë dorëzuar listë të çmimeve deri tek MBPEU-ja dhe në përputhje me çmimet e lartëshënuara, me premtimin se nuk do të shkojnë poshtë asaj që është dakorduar. Ministri Hoxha u premtoi prodhuesve të orizit se që nga java e ardhshme, kur blerja do të jetë më intensive, personalisht do të shkojë në terren dhe do të monitorojë situatën, nëse respektohen çmimet e blerjes së dakorduar”.
“Si ndihmë shtesë, nga Covid-programi qeveritar, janë ndarë edhe tre denarë për prodhuesit e orizit. Këto mjete do të disbursohen deri më 25 dhjetor të këtij viti. Për më tepër, gjatë këtij muaji, do të merret vendim nëse pagesa e tre denarëve do të jetë për kilogram të orizit të dorëzuar apo për tokë të punueshme”.
“Vendimi do të varet nga rrjedha e blerjes dhe është e destinuar për të mbrojtur prodhimin e orizit në mënyrë që të jetë më i përshtatshëm dhe në interes të fermerëve. Takimi u diskutua gjithashtu edhe gjetjen e tregjeve të reja, siç është Turqia, e cila vitin e kaluar tregoi interes për të blerë orizin tonë. Të gjitha opsionet janë të hapura, MBPEU-ja tashmë është duke punuar në shumë strategji”, thuhet në njoftimin e MBPEU-së.
Në fund shtohet se ministri Hoxha ka thënë se dialogu me blerësit dhe prodhuesit është mënyra e vetme përmes të cilit ne gjithmonë do të sillen zgjidhjet më të mira.
The post Hoxha: Dialogu me grumbulluesit dhe prodhuesit e orizit është mënyra e vetme për të arritur zgjidhjen më të mirë appeared first on Telegrafi.
