Ish-kryeministri i Maqedonisë, Nikolla Gruevski shprehu ngushëllime për tragjedinë në Tetovë ku 14 persona humbën jetën dhe 12 të tjerë mbetën të lënduar.
“Shpreh ngushëllime për familjarët e viktimave në tragjedinë e mbrëmshme në Kovid Qendrën në Tetovë. Humbja e familjarëve më të afërm është e pazëvendësueshme dhe nuk ka mjaftueshëm fjalë për ngushëllime”, shkruan Gruevski.
Sipas tij, trishtimi është më i madh kur mendohet për rrethanat se si më të afërmit e tyre humbën jetën pikërisht në vendin ku është dashur të shpëtojnë.
“Tragjedia e vërtetë është se ata njerëz me vite kanë ndarë një pjesë të fitimeve të tyre për sigurim shëndetësor dhe për gjithçka që do të thotë siguri të jetës së tyre kur ka momente të vështira dhe për shkak të pakujdesisë dhe papërgjegjshmërisë së dikujt u dogjën”, shkruan Gruevski.
Ai kërkon hetim të pavarur për rastin tragjik në Tetovë./Telegrafi/
The post Gurevski kërkon hetim të pavarur për rastin tragjik në Tetovë appeared first on Telegrafi.
