Gjyqi për vrasjen e hendbollistit kroat, Denis Tot, i cili u rrah për vdekje para një diskoteke në parkun e qytetit në Shkup, fillon më 5 shtator.
Rastin, siç e kanë konfirmuar nga Gjykata Themelore Penale Shkup, do ta udhëheq gjyqtarja Elena Ilievska Josifoviç.
Të akuzuar për vrasjen janë Angelo Gjorgievski, Klementina Levkovska dhe Andrej Kostovski.
Prokuroria Themelore Publike Shkup i procedon për veprën penale “vrasje” nga neni 123 paragrafi 1 në lidhje me nenin 22 të Kodit Penal.
Sipas aktakuzës, të pandehurit akuzohen se më 7 prill, para një lokali nate në parkun e qytetit në Shkup, së bashku e kanë privuar nga jeta të dëmtuarin Denis Tot.
“Pas një debati të shkurtër, të tre i kanë shkaktuar disa goditje dhe lëndime të rënda fizike, nga të cilat viktima fillimisht ka rënë në gjendje koma dhe të nesërmen ka ndërruar jetë”, thuhet në njoftimin e Prokurorisë të publikuar më 21 korrik të këtij viti.
The post Gjyqi për vrasjen e hendbollistit Denis Tot në Shkup, fillon më 5 shtator appeared first on Telegrafi.