Kryetari i Alternativës Afrim Gashi dje tha se mund të mos ketë shumicë të re, por nuk po dorëzohen si opozitë për rrëzimin e qeverisë.
I pyetur sot se çfarë saktësisht nënkuptonte me faktin se mund të mos ketë shumicë, gjegjësisht nëse ndonjë nga deputetët e nënshkruar heziton ta mbështesë Hristijan Mickoskin.
Gashi për “Fokus” u përgjigj shkurt: “Nuk kam çfarë të shtoj apo të heq nga ajo që thashë”.
I pyetur për të konfirmuar se deklarata se mund të mos ketë shumicë të re nuk është nxjerrë jashtë kontekstit apo keqinterpretuar, Gashi është përgjigjur se deklarata e tij është e qartë.
“Ajo që kam thënë është e qartë. Nëse dikush nxjerr diçka jashtë kontekstit, është puna e tij. Nuk kam ndërmend të jem në detyrë duke mohuar asnjë lloj njeriu”, tha Gashi./Telegrafi/
The post Gashi: Deklaratat e mia për shumicën e re janë të qarta appeared first on Telegrafi.