Deri më tani, nuk ka rekomandime për ndonjë masë më kufizuese, pas përfundimit të takimit të ministrit të Shëndetësisë Venko Filipçe dhe anëtarëve të Komisionit për Sëmundjet Infektive, përcjell Telegrafi Maqedoni.
Sipas Filipçes, në ditët në vijim do të monitorohet se sa do të jenë numrat e rasteve të reja me coronavirus.
“Ky është një numër vërtet i lartë krahasuar me ditët e mëparshme. Ne konkluduam që sot dhe nesër duhet të kontrollohet mënyra e përcjelljes së virusit në secilën komunë veç e veç. Nëse zbulojmë diçka, do të mund të vendosim se cilat masa dhe ku do të futen”, tha ministri për “Sitel”.
Filipçe thekson se deri në fundjavë do të dihet se çfarë masash dhe në cilën komunë duhet të zbatohen./Telegrafi/
The post Filipçe: Gjatë fundjavës do të dimë se çfarë masa dhe në cilën komunë do të zbatohen appeared first on Telegrafi.
