Ka reaguar edhe Aleanca për Shqiptarët, pas heqjes së marzhës për tregtarët. Deputeti i kësaj partie, Elmi Aziri, sot në konferencë për shtyp tha se “Qeveria po rrjep dhe zhvat qytetarët në kohë krize”.
Aziri thotë se Qeveria duhet të pranojë propozimin e ASh-së për uljen e TVSH-së dhe akcizës.
“Urgjentisht kjo qeveri duhet ti pranojë propozimet e ASH të bëra publike që nga koha e para aplikimit të masave antikrizë, e ato masa janë, ulje e TVSH nga 18 % në 5% , ulja e akcizës për benzinën nga 22,00 denarë në 15 denarë dhe për dizelin nga 15,50 denarë në 9,00 denarë, si dhe uljen e marzhës së tregtimit dhe skladimit nga ana e operatorëve të shitjes me pakicë në vlerën fikse prej 3 denarë”, deklaroi mes tjerash Elmi Aziri./Telegrafi/
The post Elmi Aziri: Qeveria po i zhvat qytetarët, të pranohen propozimet e ASH-së për çmimet appeared first on Telegrafi.