![](https://www.struga.info/wp-content/uploads/2020/04/north-macedonia-map.gif)
Evropa përbëhet nga kompromise, ato janë një bazë e rëndësishme për Bashkimin Evropian. Në gjendjen aktuale për qasje në procesin e anëtarësimit nuk ka veto për vendin tuaj, tha sot ambasadorja gjermane Petra Dreksler, në ngjarjen me rastin e Ditës së Evropës të organizuar nga Lëvizja Evropiane në Maqedoninë e Veriut në bashkëpunim me fondacionin Konrad Adenauer.
Sipas saj, baza për anëtarësim në BE është në procesin e reformave.
“Vendet anëtare pajtohen se duhet të mundësohet fillimi i negociatave, ndërsa persepktiva gjermane është përforcimi i Evropës si nga jashtë ashtu edhe nga brenda, ndërsa ne duhet të gjejmë një mënyrë për të arritur një zgjidhje brenda Evropës. Shumica e vendimeve në BE merren me shumicë të kualifikuar”, tha Dreksler.
Pala gjermane, shtoi ajo, mund të imagjinonte se duhet të rritet numri i vendimeve që merren me shumicë të kualifikuar.
“Megjithatë, thelbi i forcës sonë është të përpiqemi për të arritur kompromise. Nuk duhet të heqim dorë nga kompromiset. Edhe fillimi Edhe fundi i negociatave janë vendime që merren unanimisht. Asgjë nuk ka ndryshuar në këtë sferë”, përfundoi ambasadorja gjermane.
Ambasadori sllovak Henrik Markush, nga ana tjetër, tha se Sllovakia është një mbështetëse e fortë e këtij rajoni me një sërë nismash.
Ambasadori Markush tha se nuk duhet të presim që Maqedonia e Veriut t’i tejkalojë problemet e saj. Ne 20 vjet pas Selanikut, vlerësoi Markush ende po flasim për shkallën në të cilën zgjerimi është i rëndësishëm dhe nuk po flasim mjaftueshëm se si ta bëjmë atë. Ne kalojmë nëpër qëndrime joproduktive, është shumë e vështirë për t’u kapërcyer.
“Në Maqedoninë e Veriut ka presidente të re, së shpejti qeveri të re, mendoj se ata e kanë shansin dhe do ta shfrytëzojnë këtë mundësi për ta tejkaluar këtë pozicion dhe për të arritur diçka. Më ka habitur gjithmonë fakti se si nuk ka njeri që do ta ngrejë flamurin dhe t’i mbledhë këta miq të zgjerimit të Ballkanit Perëndimor dhe të parandalojë disa nga ngjarjen që çuan në këtë pozicion”, tha Markush duke iu referuar rrugës së vendit drejt BE-së.
Ai e citoi Kofi Anan, i cili ka thënë se është koha e duhur dhe zgjedhja është e qartë. Le ta shfrytëzojmë këtë mundësi, këtë mundësi që na jepet dhe të punojmë së bashku për një Evropë të bashkuar”, tha Markush.
The post Dreksler: Nuk ka veto për RMV-në, të gjithë anëtarët pajtohen se duhet të mundësohet fillimi i negociatave appeared first on Telegrafi.