Drejtori i ekonomik i spitalit të Tetovës, Artan Etemi në “Facebook” ka reaguar në lidhje me lajmet për sulm fizik ndaj tij.
“Lidhur me lajmet e mbrëmshme se jam sulmuar fizikisht dua t’ju njoftoj se nuk ka pasur konfrontime fizike, por vetëm verbale dhe për të njëjtat në formë të detajuar është informuar edhe SPB-Tetovë”, shkruan Etemi.
Ai thotë se nuk do të lejojë veprime të pahijshme dhe se do t’u shërbejë qytetarëve dhe jo, siç i quan ai, sherifëve të dikujt.
“Andaj, përpjekjet e tilla për të më frikësuar dhe për të më ndaluar nuk do të pinë ujë tek unë. Ne do të vazhdojmë të punojmë në interes të qytetarëve të Tetovës. Ngritja e cilësisë dhe llogaridhënia do të jetë përkushtim i joni”, shkruan Etemi./Telegrafi/
The post Drejtori ekonomik i spitalit të Tetovës: Nuk jam sulmuar fizikisht appeared first on Telegrafi.