![Dogana e Maqedonisë sekuestron 1.7 tonë medikamente të dëmshme për shëndetin e qytetarëve](https://telegrafi.com/wp-content/uploads/2024/05/3_3.jpg)
Doganierët në hyrje të Aeroportit Ndërkombëtar të Shkupit kanë penguar hyrjen e 1,7 tonëve barna Sildenafil Citat Oops dhe Sibutramine, të cilat janë të dëmshme për shëndetin e qytetarëve.
Nga Drejtoria e Doganave thonë se barnat nuk janë të regjistruara në Agjencinë e Barnave dhe kompania importuese nuk ka pasur as leje për shitje me shumicë të produkteve medicinale, pra nuk është e regjistruar në regjistrin e personave juridikë për kryerjen e këtij lloj aktiviteti.
“Pas ekspertizës u konstatua se medikamenti Sibutramine është një substancë që ndodhet në Listën Kombëtare të narkotikëve dhe substancave psikotrope të kontrolluara dhe se është stimulues i sistemit nervor qendror. Për më tepër, është përcaktuar se shkakton sulme në zemër dhe goditje në tru, prandaj barnat që përmbajnë sibutraminë janë ndaluar për shitje nga BE që nga viti 2010”.
“Ilaçi Sildenafil Citate Oops (Viagra) është një substancë që është pjesë e mjekimit për trajtim dhe i nënshtrohet shitjes së kontrolluar. Rastin e ka marrë Departamenti i Hetimeve pranë Departamentit të Kontrollit dhe Hetimeve, ndërsa kundër personit juridik do të bëhet kallëzim penal në Prokurorinë Themelore Publike”, thonë nga Drejtoria e Doganave.
The post Dogana e Maqedonisë sekuestron 1.7 tonë medikamente të dëmshme për shëndetin e qytetarëve appeared first on Telegrafi.