“Çështja e gjuhës është e brendshme dhe vetëm qytetarët e Maqedonisë së Veriut mund të diskutojnë për të”. Këtë e ka thënë zv.kryeministri për Çështje Evropiane, Nikolla Dimitrov, si kundërpërgjigje për pretendimet që i ka Bullgaria, me të cilat ka bllokuar procesin e integrimit, jo vetëm për Shkupin, por edhe për Shqipërinë.
Dimitrov duke komentuar bllokadën e fundit, tregoi për lodhjen e madhe që ka shkaktuar pritja për caktimin e datës për mbajtjen e konferencës së parë ndërqeveritare.
“Ajo që të jep shtysë për të pritur është shpresa”, tha zëvendëskryeministri i Maqedonisë se Veriut, që shtoi se ajo shpresë po zbehet.
Pjesë e panelit të dytë së bashku me Dimitrovin, ishte edhe eurodeputetja Tanja Fajon.
Ajo tha se i vjen mirë që Sllovenia, vendi i saj, udhëheq presidencën e BE, por nënvizoi se pritshmëritë për të ecur më tej në procesin e zgjerimit janë të pakta, pavarësisht se Ballkani Perëndimor është në agjendën sllovene.
Më tej, drejtoi kritika të drejtpërdrejta ndaj BE-së, duke thënë se nuk është në gjendje të mirë, gjë e cila ka penguar procesin e zgjerimit.
The post Dimitrov: Çështja e gjuhës është e brendshme dhe askush nuk mund të diskutojë për të appeared first on Telegrafi.
