Qeveria e Maqedonisë së Veriut nuk i përmbush plotësisht standardet minimale për eliminimin e trafikimit të qenieve njerëzore, por po bën përpjekje të rëndësishme në atë drejtim, thuhet në raportin e fundit të Departamentit të Shtetit, përcjell Telegrafi Maqedoni.
Raporti thekson se pavarësisht ndikimit të dokumentuar të pandemisë Covid-19 në kapacitetin antitrafik, qeveria në tërësi ka demonstruar një rritje të përpjekjeve krahasuar me kërkimet e mëparshme, dhe për këtë arsye vendi mbetet në kategorinë e dytë.
Këto përpjekje përfshijnë akuza kundër trafikantëve, si dhe dënime të rënda me burg. Megjithatë, qeveria nuk ka përmbushur standardet minimale në disa fusha kryesore, thuhet në raportin e Departamentit të Shtetit.
Qeveria ndarë fonde për mbrojtjen e viktimave në përpjekjet për të luftuar pandeminë, me çka ka rrezikuar funksionimin e ekipeve lëvizëse për të identifikuar viktimat e trafikimit, si dhe duke siguruar strehimore për ato viktima.
Në raport thuhet se policia nuk ka pajisje të përshtatshme për të gjetur viktimat, as pajisje për të kryer hetime proaktive.
The post DASH: Maqedonia nuk i ka përmbushur plotësisht standardet minimale kundër trafikimit të qenieve njerëzore appeared first on Telegrafi.
