Sipas projeksioneve me parametrat aktualë dhe metodologjinë e re të dakorduar për harmonizimin e pagës minimale, deri në vitin 2026 do të arrijë në 22 mijë denarë, pa intervenime shtesë”, tha zv. kryeministri për Çështje Ekonomike, Fatmir Bytyqi në “Utrinski Brifing”.
Ai shtoi se suksesi më i madh i dialogut social me punëdhënësit dhe punëtorët është marrëveshja për një metodologji për harmonizimin e pagës minimale, sipas së cilës ajo do të rritet në përputhje me inflacionin, por edhe rritja e pagës mesatare dhe nuk do të jetë kurrë më pak se 57 për qind e nivelit mesatar, përcjell Telegrafi Maqedoni.
“Sindikatat kishin kërkesa të caktuara, por nuk kishte kërkesa për përputhshmërinë e metodologjisë. Nga ana tjetër, punëdhënësit kishin një propozim për një metodologji të tillë. Ne e morëm gjysmën e propozimit të tyre, e pamë cila është më e qëndrueshme dhe arritëm në rezultatin përfundimtar si një grup me pikëpamje të ndryshme”, tha Bytyqi.
Ai shtoi se e vetmja mënyrë për të pasur sukses është dialogu dhe se duhet të diskutohen të gjitha palët e interesuara në mënyrë që të arrihet zgjidhje e përbashkët dhe e qëndrueshme./Telegrafi/
The post Bytyqi: Sipas projeksioneve, paga minimale deri në vitin 2026 do të arrijë në 22 mijë denarë appeared first on Telegrafi.
