Duhet të jetë e qartë, OBRM-PDUKM po rrezikon të ardhmen tonë, nën mbulesën e gënjeshtrës se po e mbrojnë identitetin. Identiteti dhe gjuha janë të mbrojtura dhe i kemi të gjitha konfirmimet për këtë, ka shkruar në rrjetet sociale zv. kryeministri për Çështje Ekonomike, Fatmir Bytyqi, lidhur me ndryshimet kushtetuese.
“Nuk është koha për të heshtur, sepse gënjeshtrat po përhapen me zë të lartë pikërisht tani. E vërteta është – Maqedonia e Veriut në Bashkimin Evropian!
Mickoski dhe e gjithë OBRM-PDUKM-ja e dinë se vendi ynë dhe të gjithë qytetarët e saj janë në rrugën drejt BE-së dhe nuk ka nevojë dhe nuk do të ketë kthim nga ajo rrugë.
Në fakt, ata nuk na ofrojnë një alternativë tjetër, thjesht bëjnë një pazar politik me të ardhmen tonë. Këtë e shohin qytetarët dhe besoj se do ta ndëshkojnë në zgjedhje”, shkruan Bytyqi./Telegrafi/
The post Bytyqi: OBRM-PDUKM po rrezikon të ardhmen tonë evropiane appeared first on Telegrafi.