Zëvendëskryeministri për çështje ekonomike, Fatmir Bytyqi është takuar sot me kryetarët e komunave të udhëhequra nga Lidhja Socialdemokrate të Maqedonisë.
Në takim, siç njoftoi Bytyqi është konstatuar se janë realizuar mbi 70% e projekteve komunale.
“Sonte pata një takim me kryetarët e komunave nga radhët e LSDM-së.B iseduam për nivelin e realizimit të programeve të komunave në këtë mandat, dhe njëherit po fillojmë me procesin e përgatitjes së programeve për zgjedhjet e ardhshme. Mbi 70% të projekteve në programet e komunave janë realizuar, gjë që flet për përkushtimin e pushtetit lokal të udhëhequr nga LSDM-ja në realizimin e premtimeve para qytetarëve. Vazhdojmë së bashku me qytetarët të hartojmë ofertën më të mirë për secilën komunë, për secilin vendbanim”, shkroi Bytyqi në “Facebook”
Zgjedhjet lokale në Maqedoninë e Veriut mbahen në muajin tetor dhe janë zgjedhje të rregullta pas katër viteve udhëheqje nga kryetarët aktual në më shumë se mbi 80 komuna. /Telegrafi/
The post Bytyqi: Janë realizuar mbi 70% të projekteve komunale appeared first on Telegrafi.
