Ministri i Punëve të Jashtme të Maqedonisë së Veriut, Bujar Osmani do të marrë pjesë sot në Torino në Sesionin e 132-të Ministror të Komitetit të Ministrave të Këshillit të Evropës.
Në seancën ministrore, të kryesuar nga Italia, do të marrin pjesë ministrat e Jashtëm të 46 vendeve anëtare të organizatës më të vjetër evropiane për të drejtat e njeriut, demokracinë dhe shtetin e së drejtës.
Në seancë pritet të diskutohen disa tema aktuale, me fokus në pasojat e agresionit të Federatës Ruse ndaj Ukrainës, që ndër të tjera çoi në përjashtimin e Rusisë nga Organizata në mars të këtij viti.
Mbledhja do t’i dorëzojë edhe presidencën e Komitetit nga Italia në Irlandë për gjashtë muajt e ardhshëm, tha Ministria e Jashtme.
Në margjinat e seancës ministrore, Osmani është paraparë të ketë disa takime bilaterale me ministrat e jashtëm të Moldavisë, Gjeorgjisë, Azerbajxhanit, Armenisë, si dhe me përfaqësues të lartë të Ukrainës dhe Këshillit të Evropës.
The post Bujar Osmani sot pjesëmarrës në Sesionin ministror të Këshillit të Evropës në Torino appeared first on Telegrafi.
