Ministrja e Energjetikës, Xehtarisë dhe Derivateve Minerale, Sanja Bozhinovska sot e vizitoi minierën SASA, miniera më e madhe nëntokësore për plumb dhe zink në vend, e cila prodhon përafërsisht 800.000 tonë xehe në vit.
Në takimin me përfaqësuesit e ekipit drejtues të minierës, Bozhinovska theksoi se i mbështetë praktikat e minatorëve të cilat janë të qëndrueshme dhe të sigurta, ndërsa njëherit e ceki edhe rëndësinë e inovacioneve në xehtari.
Nga Ministria kumtuan se në SASA drejtpërdrejtë janë të punësuar rreth 770 persona, pjesa më e madhe banorë të komunitetit lokal, ndërsa puna e suksesshme miniersë SASA në gjashtë vitet e fundit i mundësoi të paguajë mbi 85 milionë dillarë në formë të tatimeve, të cialt janë shfrytëzuar për mbështetje të zhvillimit të vendit dhe përmirësim të cilësisë së jetës së njerëzve.
Drejtori i përgjithshëm i Minierës SASA, Kristofer Kolburn theksoi se në gjashtë vitet e kaluara si pjesë e Central Azia Metals, kompani internacionale e xeheve, janë investuar mbi 80 milionë dollarë në projekte kapitale, pajisje bashkëkohore, digjitalizim, përmirësim të sigurisë, standardeve dhe kushteve për punë në minierë.
Gjatë vizitës ministrja i vizitoi edhe korridoret nëntokësore të miniersë ku bisedoi me minatorët për përvojat dhe sfidat e tyre. Punëtorë theksuan se siguria në terren është prioritet dhe se vazhdimisht punojnë në përmirësimin e kushteve për punë.
Vizita në SASA është pjesë e aktiviteteve të vazhdueshme të ministres Bozhinovska për komunikim të drejtpërdrejtë dhe vizitë të rregullt tek të gjitha kapacitetet në ingerenca të ministrisë.
The post Bozhinovska vizitoi një nga minierat e vendit: Prioritet janë praktikat e qëndrueshme dhe siguria e minatorëve appeared first on Telegrafi.