Kryetari i Gjykatës Themelore të Koçanit, Spiro Borisov, sot në një deklaratë për media ka thënë se procedura hetimore është në vazhdim e sipër dhe se po ndërmerret veprime pas ankesave të gjykatësve të procedurës paraprake lidhur me zjarrin në diskotekën në Koçan që ndodhi më 16 mars dhe ku 61 persona humbën jetën dhe rreth 200 u lënduan.
“Një hetim është duke u zhvilluar. Po ndërmerren veprime për ankesat e paraqitura kundër vendimeve të gjyqtarëve në procedurat e mëparshme dhe kjo është gjithçka që mund t’ju jap si deklaratë në këtë moment”, tha Borisov.
Borisov theksoi se kushdo që ka vepruar si gjyqtar në procedurën e mëparshme në pajtim me dispozitat e Kodit të Procedurës Penale, përkatësisht nenin 33 të këtij ligji, nuk mund të marrë pjesë më tej si gjyqtar gjykues, anëtar i Këshillit për vlerësimin e aktakuzave etj.
Kryetari i Gjykatës Themelore të Koçanit theksoi se tre gjyqtarë nga kjo gjykatë janë duke vepruar në procedurë paraprake.
“Po veprojnë tre gjyqtarë. Ne jemi një gjykatë me pesë gjyqtarë, duke përfshirë edhe mua si kryetar i gjykatës, tre gjyqtarë, dy nga gjyqtarët që veprojnë në Odën Penale dhe një gjyqtar i deleguar nga një gjykatë tjetër themelore që mund të veprojë si gjyqtar në një gjykatë me juridiksion të zgjeruar”, tha Borisov.
Lidhur me tragjedinë në Koçan, kryetari i Këshillit Gjyqësor, Aleksandar Kambovski, ka deklaruar se është ende herët për të diskutuar se çfarë do të ndodhte nëse gjykimi nuk mund të mbahet atje./Telegrafi/
The post Borisov: Hetimi për tragjedinë e Koçanit është duke u zhvilluar, ankesat kundër vendimeve të gjykatësve në procedurën paraprake janë në proces appeared first on Telegrafi.