Dorëheqja e paralajmëruar e kryeministrit dhe kryetarit të LSDM-së, Zoran Zaev, analiza e rezultateve zgjedhore dhe ngjarjet aktuale politike pas parashtrimit të nismës për mosbesim të Qeverisë pritet të jenë temat e mbledhjeve të sotme të organeve më të larta të LSDM-së.
Nga kjo parti thonë se në ora 18:00 është caktuar mbledhja e Bordit Ekzekutiv të partisë, ndërsa në ora 20:00 Bordi Qendror do të mbajë mbledhjen e tij.
Nga LSDM këto ditë njoftuan se ka konsultime të ditëpërditshme dhe mbledhje me partnerët e koaliconeve nga shumica parlamentare.
“LSDM vazhdon të bisedojë dhe të nisë bashkëpunim me të gjitha forcat progresive dhe demokratike me qëllim që të sigurohet e ardhmja stabile për shtetin dhe popullin tonë”, thanë nga kjo parti./Telegrafi/
The post Bordi Ekzekutiv dhe Qendror i LSDM-së do të diskutojnë për ngjarjet aktuale politike appeared first on Telegrafi.
