Ministri i Ekonomisë, Kreshnik Bekteshi, bëri të ditur se Komisioni për Sëmundje Infektive duhet të rishikojë protokollet e reja në një seancë sotme, sipas të cilit, ambientet e hotelerisë do të mund të punojnë edhe pas orës 22:00, përcjell Telegrafi Maqedoni.
Kërkesa të tjera për ndryshime në lidhje me ambientet e hotelerisë janë dërguar në Komision, përfshirë edhe atë për të ulur maksimalisht katër persona në tryezë nëse janë një familje. Sidoqoftë, theksoi Bekteshi, fjala e fundit do t’i jepet Komisionit dhe vendimi e tyre do të respektohen.
“Sot, Komisioni për Sëmundje Infektive do të mblidhet për punën e hotelierëve pas orës 22:00. Ne kemi paraqitur kërkesë të tillë, do të presim deri në seancën e re të Qeverisë se cili është propozimi i Komisionit dhe do t’i informojmë palët e interesuara. Kërkesa jonë është bërë për të bërë ndryshime, por sot Komisioni do të diskutojë kërkesën tonë. Në fund të fundit, megjithatë, ne do të respektojmë vendimin dhe rekomandimin e tyre. Ne gjithashtu kërkuam ndryshime në pjesë – për uljen e katër personave të një familjeje në një tavolinë”, tha Bekteshi.
Bekteshi kujtoi gjithashtu se protokolli për hotelierët tashmë është publikuar, ndërsa është harmonizuar me Odën Ekonomike javën e kaluar./Telegrafi/
The post Bekteshi: Komisioni për Sëmundje Infektive do të vendos nëse kafenetë do të punojnë pas orës 22:00 appeared first on Telegrafi.
