Raporti i Institutit të Mjekësisë Ligjore nga i cili do të dihen arsyet dhe mënyra e vdekjes së hendbollistit Denis Tot, ende nuk është përgatitur dhe jemi duke e pritur. Por nuk dua të bëjmë presion mbi institucionin”.
Këtë e tha sot ministri i Shëndetësisë Bekim Sali, në lidhje me raportin për vdekjen e hendbollistit kroat Denis Tot.
Autopsia e hendbollistit ka përfunduar gati dy javë më parë, si dhe mbikëqyrja eksperte e Inspektoratit Shtetëror Shëndetësor dhe Sanitar të Klinikës për Mjekim Intensiv dhe Reanimacion, por opinioni ende nuk i ka informacionet që ato përmbajnë.
Ministri Sali vetëm shkurt tha se nuk ka pasur lëshime në mënyrën se si është trajtuar hendbollisti në klinikë.
Ndryshe, për vdekjen e hendbollistit Denis Tot, tre persona dyshohen për veprën penale “vrasje”. Ata e sulmuan fizikisht hendbollistin në një lokal të Shkupit./Telegrafi/
The post Bekim Sali: Ende nuk është përgatitur raporti për Denis Tot nga mjekësia ligjore appeared first on Telegrafi.