Pas deklaratës së djeshme të Taravarit për “TV21” kanë reaguar edhe nga BDI.
“Shqiptarët nuk e meritojnë një opozitë kaq jodinjitoze dhe jokonzistente e cila parashtron kushtëzime vetëm për shqiptarët, ndërsa endet korridoreve të LSDM-së dhe OBRM-PDUKM-së për të dështuar ideali kombëtar.
Dorëhiquni për humbjen tuaj të 16 me rradhë, tregohuni dinjitoz dhe me kapacitet demokratik e mos i nënçmoni shqiptarët.
Uzurpatorët dështak të kampusit opozitar dështimin e tyre personal po e shëndërojnë në dështim të shqiptarëve duke qëndruar në sportelet e LSDM-së dhe OBRM-PDUKM-së ditë e natë me lutje të mos realizohen kërkesat shqiptare.
Shqiptarët nuk do ta harrojnë asnjëherë këtë nënçmim dhe këtë sjellje jodinjitoze të opozitës shqiptare si dhe braktisjen e paarsyeshme të Tryezës së përbashkët të partive parlamentare shqiptare.
Dorëhiquni dhe lironi skenën opozitare të cilën e keni uzurpuar për shumë vite për interesat e juaj personal.
Shqiptarët u përcaktuan për BDI-në dhe ne kemi obligim që të përkujdesemi edhe për votuesit e opozitës sepse ata nuk ju votuan juve që të rrini në sportelet e pritjes në koridoret e LSDM dhe OBRM-PDUKM, por të përfaqësoni interesin shqiptar e jo të punoni për përçarje dhe dështim”, thonë nga BDI.
Taravari: LSDM turpërohet që të jetë në qeveri me BDI-në
The post BDI: Taravari s’ka asnjë kusht për Zaevin dhe Mickoskin appeared first on Telegrafi.