Valbon Limani u zgjodh ushtrues detyre kryetar i Komunës së Gostivarit. Deri tani, ai ka qenë kryetar i këshillit komunal. Limani tha se do të vazhdojë projektet që janë filluar dhe premtuar.
“Prioritet mbeten të njëjtat deri në fund të mandatit. Kanë ngelur edhe një vjet e tre muaj, unë zotohem se në këtë kohë që ka mbetur të realizojmë një përqindje të madhe të premtimeve që ju kemi dhënë qytetarëve të Gostivarit dhe të gjithë premtimet e dhëna të realizohen”, tha Valbon Limani, u.d kryetar i Komunës Gostivarit.
Ndaj kësaj reaguan këshilltarët e BDI-së. Ata thonë se Taravari ka ikur nga komuna dhe e ka lënë komunën me një borxh prej mbi 15 milionë euro.
“Më e rëndësishmja nga të gjithë, komuna mbetet e zhytur në borxhin më të madh në historinë e ekzistencës së sajë që kaplon shifrën mbi 15 milionë euro, por që realisht mund të jetë edhe më e madhe”, pohoi Vjollca Baftiu Zylbehari – këshilltare e BDI-së.
Ndryshe Valbon Limani pritet të jetë kandidat për kryetar komune në Gostivar me mandat të plot në zgjedhjet e ardhshme komunale. Ai tha se për këtë është herët të bisedohet por nuk e mohoi një gjë të tillë.
The post BDI: Taravari e la Komunën e Gostivarit me mbi 15 milionë euro borxh appeared first on Telegrafi.