Bashkimi Demokratik për Integrim ka komentuar deklaratën e sotme të kryeministrit të vendit Hristijan Mickoskit në Kuvend, që siç thonë nga BDI pranoi se shteti është i kapur.
“Shqetësuese dhe skandaloze është deklarata e Kryeministrit sot në Parlament, i cili në arrogancën e tij, konfirmoi publikisht atë që qytetarët tashmë e dinë: shteti është i kapur! Në vend të sundimit të ligjit, ka vetëm një ligj – “ligji i tij”, ligji i partisë që ka uzurpuar institucionet dhe që e trajton shtetin si pronë private. Në vend që të respektojë Kushtetutën dhe ligjet e vendit, Kryeministri deklaroi hapur se ai vetë vendos mbi të drejtën dhe drejtësinë, duke shkelur parimet themelore të demokracisë dhe shtetit të së drejtës. Ky është një pranim i hapur se shteti nuk funksionon më sipas normave ligjore, por sipas vullnetit të një partie që i dikton gjithçka institucioneve. Sot, Kryeministri e tha qartë: nuk ka shtet, nuk ka kushtetutë, nuk ka ligje – ka vetëm vendime arbitrare të një partie që ka kapur çdo institucion. E ndërkohë që Ministri i Brendshëm, i cili është përgjegjës për parandalimin e tragjedisë në Koçan, bën parada në liri, ish-Ministri i Ekonomisë ndodhet në burg pa asnjëherë të ketë shkuar në Koçan”, thonë nga BDI.
Ata shtojnë se ky është shembull i pastër i drejtësisë selektive dhe kapjes së institucioneve, pasi sipas tyre, ryeministri e konfirmoi sot me gojën e tij: shteti është i kapur.
The post BDI: Kryeministri sot konfirmoi se shteti është i kapur appeared first on Telegrafi.
